Тропарь Серафиму, Саровскому чдтв, глас 4:От юности Христа возлюбил еси, преподобне, / и Тому Единому поработати пламенне вожделел еси, / в пустыннем житии твоем непрестанною молитвою и трудом подвизался еси, / умиленным сердцем любовь Христову стяжав, / Небесным Серафимом в песнословии споборниче, / в любви притекающим к тебе Христу подражателю, / темже избранник возлюблен Божия Матере явился еси, / сего ради вопием ти: / спасай нас молитвами твоими, радосте наша, / теплый пред Богом заступниче, / Серафиме блаженне.По благословению Митрополита Александра викарий Астанайской епархии епископ Каскеленский Геннадий, Управляющий делами Синода Округа, совершил Божественную Литургию в нашем храме во имя преподобного Серафима Саровского. Светлый и радостный день в жизни храма — Престольный праздник, вокруг светлые лица, как-будто все приехавшие в этот день почувствовали великую любовь святого Серафима Саровского, в воздухе витали ласковые слова, с которыми он обращался к людям: «радость моя, сокровище мое».
КОНДАК, глас 2
Мира красоту и яже в нем тленная оставив, преподобне, в Саровскую обитель вселился еси, и тамо ангельски пожив, многим путь был еси ко спасению: сего ради и Христос тебе, отче Серафиме, прослави, и даром исцелений и чудес обогати. Темже вопием ти: радуйся, Серафиме, преподобне отче наш.
МОЛИТВА Преподобному и Богоносному отцу нашему СЕРАФИМУ Саровскому чудотворцу
О предивный угодниче Божий, пресветлая славо Православия, украшение Земли Русския, великий светильниче всего мира, Духоносче отче Серафиме! С теплою верою умильно прославляем тя, яко паче меры облагодатствован еси Духом Святым. Чистоты бо ради твоея и премногих подвигов и непрестанных молитв твоих, дивными дарами обогати тя Бог: во еже болящия исцеляти, бесы изгоняти, немощныя утешати, зрети будущая, яко настоящая. Паче же и славных явлений Пречистыя многащи сподобился еси, Яже любимцем Своим нарече тя. Единоще же и Господа Спасителя лицезрети во храме удостоился еси. И сам благодарным несозданным светом Царствия Божия дивно осияй был и мир весь стяжанию благодати Духа Святаго словом и делом учил еси. Но и ныне, блаженнаго света Пресвятыя Троицы наслаждаяся, не забываеши посещати люди, во всем мире имя твое призывающия.
Темже и мы, аще и грешнии суще, в скорбех твоея милости просим: направи нас на путь покаяния, испроси благодать и нам, недостойным, обрадуй сердца наши благими надежда ми на милость Божию: ты бо многажды печальным глаголал еси: несть нам унывати; Христос бо воскресе, смерть умертви, диавола упраздни. Еще же и ко гробу твоему притекати заповедал. Да услышим и мы уветливый глас твой: не унывайте, радости мои! бодрствуйте, спасайтесь! венцы бо таковым готовятся в Царствии Небеснем. Аминь.